Mouctar Diakhaby, i cili pësoi një dëmtim shumë të rëndë në gjurin e djathtë të shtunën, në ndeshjen kundër Real Madridit, do t’i nënshtrohet një operacioni këtë të enjte, më 7 mars, në Lyon të Francës.
Ndërhyrja do të kryhet nga kirurgu ortopedik Bertrand Sonnery–Cottet – i cili operoi Ibrahimovicin në vitin 2022, transmeton GazetaBlic Sport.
Diakhaby u shtrua në spital për 48 orë dhe pasditen e së martës ndodhej në qytetin sportiv të klubit, ku u përshëndet nga të gjithë bashkëlojtarët.
“Po më ndihmojnë shumë, jam i emocionuar. Do të bëj një operacion në Francë, ku kam një shtëpi dhe familjen time”, tha ai për Radio Marca.
Francezi ka një periudhë rikuperimi prej të paktën një viti përpara tij.
Teilen:
