Bota e futbollit u trondit nga lajmi për sulmin në tru që Edwin Van Der Sar pësoi të premten, për të cilën u shtrua në një spital në Split.
Deri vonë, klubi Ajax, ku ai mbante rolin e drejtorit ekzekutiv, njoftonte në emër të gruas së tij Annemarie Van Der Sar, transmeton lajmi.net.
“Edwin Van Der Sar do të qëndrojë në terapi intensive për periudhën e ardhshme. Gjendja e tij është stabile, por ende shqetësuese. Familja, së bashku me Ajaxin, është mirënjohëse dhe thellësisht e prekur nga mesazhet e shumta të marra nga fansat”, thuhet në deklaratë.
Portieri i njohur e ka nisur karrierën te Ajax. Ai la gjurmë të thella në Juventus dhe veçanërisht në Manchester United, dhe luajti edhe për Fulham.
Ai luajti 130 ndeshje për kombëtaren holandeze.
Që nga viti 2011, ai ka mbajtur poste të ndryshme në botën e futbollit./Lajmi.net/
