Futbollisti shqiptar, Nicolas Kalaja, është pezulluar për dy muaj, pasi mori karton të kuq.
Ai luan për Offaneghese në divizionin rajonal të futbollit italian, shkruan lajmi.net.
Kalaja ka ndjerë nevoja personale gjatë ndeshjes dhe është larguar pak larg fushës, duke urinuar aty.
Për këtë arsye gjyqtari e ndëshkoi me karton të kuq dhe tani ai nuk do të mund të luajë për dy muaj.
“Klubi e cilëson sjelljen e futbollistit absolutisht të gabuar dhe mosrespektuese”, thuhet në njoftimin e klubit.
Kalaja ka mbyllur vitin 2023, por ai do të mund të rikthehet në fushën e gjelbër pas datës 27 janar. /Lajmi.net/
