Paolo Skaroni ka folur për punën e Stefano Piolit, pavarësisht se sezoni ka nisur vetëm katër ditë më parë më grumbullimin e skuadrës.
Numri 1 i kuqezinjve, ka thënë se: “Mendoj se Pioli është i kënaqur. E takova të hënën dhe më dukej i lumtur. Po punojmë në harmoni të përsosur mes trajnerit, stafit teknik dhe Furlanit. Kam ndjesinë se gjithçka shkon në harmoni dhe besojmë shumë në këtë aspekt pasi mendoj se i përshtatet edhe stilit të Milanit.
Pioli është shumë i përfshirë në vendimet që merren dhe kjo është pozitive. Milani ka 500 milionë tifozë në mbarë botën: ata duan të na shohin në Champions dhe është e rëndësishme që të jemi atje. Duam t’i ushqejmë tifozët me suksese”, tha Skaroni.
PANORAMASPORT.AL
