Manovrat e Milanit në merkato do të vazhdojnë gjatë gjithë janarit. Me Rade Kruniçin e shitur dhe Pobegën e dëmtuar, ka një hapësirë në mesfushë që duhet mbushur e që nuk do t’i besohet Terraçanos që është polivalent me futbollin e tij. 22-vjeçari vlerësohet 19 milionë euro nga Milani, teksa “demat” presin të paktën 5 më shumë.
Në modë gjatë orëve të fundit është rikthyer edhe Trevoh Shalobah i Çelsit. Sapo është kthyer nga dëmtimi e nuk po gjen minutazhin, të cilin mund t’ia garantonin kuqezinjtë. Sipas “Sportmediaset” të tentohet një huazim me të drejtë blerje siç u bë pak vite më parë me Tomorin.
KOMENTI I MONKADËS – Për situatën ka folur Xhefri Monkada. Në cilësinë e drejtorit sportiv të Milanit, ai ka deklaruar se: “Jemi gjithmonë bashkë, fitojmë dhe humbasim bashkë, duam të zhvillojmë ekipin dhe grupin. Për merktaon kemi të njëjtën linjë si trajneri. Ne shikojmë tregun dhe jemi vigjilentë për çdo rast.
Duam patjetër të gjejmë lojtarë, por duhet të jemi të qetë, të shikojmë me kujdes profilet dhe të flasim me klubet, por jo të gjithë janë gjithmonë në dispozicion… Ka emra që nuk kanë dalë dhe të tjerë që kanë dalë”. Në fund edhe një koment për rinovimin e mundshëm me Luka Joviçin, për të cilin tha: “Do flasim më vonë, duam që Luka të punojë mirë dhe të shënojë siç po bën. Më pas do të flasim me qetësi.
PANORAMASPORT.AL
