Milani është gati për të blerë sulmuesin e Romës, Tammy Abraham dhe thuhet se ka filluar të shqyrtojë idenë për të dërguar Noah Okafor në kryeqytet në këmbim.
Trajneri i Milanit, Paulo Fonseca, beson se sulmuesi 26-vjeçar anglez është opsioni perfekt për të përforcuar skuadrën e tij këtë verë pas ardhjes së Alvaro Moratas, duke dashur që dy qendërsulmues me karakteristika të ndryshme t’i shtojnë pak ndryshim sulmit të tij.
Roma është e hapur për të shitur Abrahamin në javët e ardhshme, pasi sapo ka transferuar zëvendësuesin e tij Artem Dovbyk nga Girona dhe ka vendosur një çmim rreth 25-30 milionë euro për anglezin.
Milani ka shpresuar të ulë kostot me një lojtar në këmbim, me kandidatët e mundshëm duke përfshirë Luka Jovic dhe Davide Calabria.
Okafor te Roma në këmbim?
“Corriere dello Sport” detajon se si Milani ka dalë me një plan të ri për të nënshkruar me Abrahamin këtë muaj, duke menduar për dërgimin e Okaforit te Roma si pjesë e një marrëveshjeje për sulmuesin anglez.
Anësori 24-vjeçar zviceran tregoi disa shenja pozitive në sezonin e tij debutues me kuqezinjtë, duke shënuar gjashtë gola dhe duke dhënë tre asistime në 36 ndeshje.
