Selektori Franco Foda ka humbur durimin, ka përjashtuar tre futbollistë nga kombëtarja e Kosovës.
Edon Zhegrova, Florent Muslija dhe portieri Arijanet Muriç, janë përjashtuar.
“Me vendim të përbashkët të përzgjedhësit Franko Foda dhe Federatës, tre futbollistët: Arjanet Muriç, Edon Zhegrova dhe Florent Muslija janë larguar nga grumbullimi i ekipit kombëtar, për shkak të thyerjes së rregullores së ekipit kombëtar të vendosur nga përzgjedhësi dhe Federata.
Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së. Ndërkohë, ekipit do t’ i bashkohet, portieri që ka qenë në listën e pritjes, Faton Maloku nga FC Drita”, shkruhej në njoftimin e Federatës së Kosovës.
Teilen:
