Michel Platini, në programin “After Foot” në RMC, shprehu respekt të madh për Didier Deschamps, duke mbrojtur punën e tij si trajner i kombëtares franceze. Ish-lojtari i njohur, që e bëri debutues Deschamps në kombëtare më 1989, theksoi rëndësinë e kontributit të tij si lojtar dhe trajner.
Platini kujtoi Deschampsin lojtar: “Didier ishte një lojtar që të gjithë e panë. Një njeri i përgjegjshëm, ndryshe nga një talent i pastër si Zidane, por që luante rolin e tij në mënyrë perfekte. Ishte lider, kishte personalitet dhe mbante grupin të bashkuar. Në një ekip duhen edhe lojtarë të tillë”.
Sipas Platini, e njëjta qasje shihet te puna e tij si trajner: “Didier e bën skuadrën të luajë në mënyrën më efektive. Unë e thirra si lojtar dhe e dija sa i rëndësishëm ishte për ekuilibrin e grupit. Nuk e emërova unë si trajner, por ishte e drejtë që ta ndërtonte ekipin sipas idesë së tij”.
Ai hodhi poshtë kritikat për stilin e lojës së “Les Bleus”: “Unë dua vetëm që Franca të fitojë. Me Didier kemi fituar një Botëror dhe kemi luajtur një finale”. Për të ardhmen, Platini përmend Zidane si kandidat kryesor pas Deschamps, duke theksuar: “Kur isha trajner, nuk më interesonte të luanim bukur, doja vetëm të fitonim”.
