Në muajt e fundit, Gianni Infantino është përballur me presion në rritje. Kreu i FIFA-s është dukur gjithnjë e më i ekspozuar përballë kritikave nga bota e futbollit. Afërsia e tij publike me figura politike si Donald Trump ka rritur dyshimet se presidenti i FIFA-s interesohet më shumë për pushtetin sesa vlerat sportive. Rezervat e tij ndaj krizave ndërkombëtare, si lufta në Gaza dhe protestat në Iran, krahasuar me reagimin ndaj Rusisë pas pushtimit të Ukrainës, kanë theksuar këtë perceptim.
Kjo qasje diplomatike ka forcuar imazhin e një drejtuesi më të fokusuar tek ekuilibret politike dhe ekonomike sesa te mesazhi moral. Mandati i tij është shoqëruar edhe me polemika mbi zhvillimin global të futbollit. Botërori 2022 në Katar u kritikua për kushtet e punëtorëve migrantë dhe procesin e zgjedhjes së vendit organizator. Zgjerimi në 48 skuadra dhe rritja e garave ndërkombëtare shihet si një teprim komercial që rrezikon shëndetin e lojtarëve.
Michel Platini, në “RMC Sport” tha: “Është një administrues i mirë, por jo lider i vërtetë. Nuk ka karizëm, as vizionin e nevojshëm për të drejtuar futbollin botëror. E kam vlerësuar Infanton si menaxher në UEFA, por roli i presidentit kërkon strategji dhe dimension moral që ai nuk i ka”.
