Në futboll, të investosh shumë, nuk do të thotë gjithmonë se do të marrësh frytet në fushë. Nuk është një opinion që e thotë këtë, por shifrat e cituara nga një studimi i “Transfermarkt”. Faqja e specializuar për vlerën e futbollistëve, ka bërë një renditje të efikasitetit midis kostove të skuadrës (ndër vite) dhe performancës në Serinë A dhe shifrat tregojnë një histori shumë të ndryshme nga ajo e bilanceve.
Juventus dhe Milan, dy nga skuadrat më të shtrenjta në kampionatin italian, janë ndër më negativet për sa i përket performancës në raport me paratë e shpenzuara.
ECURIA KUQEZI – Gjërat janë edhe më keq për Milanin, i cili investoi 354.4 milionë për të ndërtuar skuadrën aktuale. Nga kjo shifër, 120 milionë u shpenzuan mes verës së kaluar dhe janarit të këtij viti me transferimet e mbyllura për Gimenez, Fofana dhe Morata.
E megjithatë, kuqezinjtë e gjejnë veten ende të nëntënt në Serinë A. Gjithçka, duke e mbyllur këtë renditje speciale në vendin e fundit. Ndër klubet më efikase gjejmë Veronën (+5 pozicione në krahasim me koston e skuadrës), Interin (+3) dhe ekipe si Bolonja, Atalanta dhe Lacio, të afta për të vlerësuar kapitalin njerëzor pa shpenzime të çmendura. Analiza tregon se si, në Serinë A, nuk janë vetëm milionat që bëjnë diferencën, por edhe planifikimi, intuita dhe aftësia për t’u rritur. Shpenzimi i shumë milionave mund të ndihmojë, por kurrë nuk garanton sukses.
PANORAMASPORT.AL
