Skuadra e Dritës arriti një barazim të madh në ndeshjen e parë ndaj Viktoria Plzen, e vlefshme për kualifikim tutje në UEFA Conference League.
Klubi kosovar bëri një paraqitje të mirë dhe pati dy raste fantastike për të shënuar gol në Çeki, shkruan Lajmi.net
Nëse shohim statistikat, skuadra kosovare ishte me fat sonte, pasi vendasit e “shkelën” në secilin aspekt të lojës.
Plzen mbajti topin 74 përqind, kurse Drita vetëm 26 përqind.
Ekipi çek kishte 16 goditje në drejtim të portës (7 prej tyre në portë), kurse Drita kishte 3 goditje dhe asnjëra nuk shkoi drejt portës.
Fat i mirë ishte edhe forma e Florjan Smakiqi, i cili në këtë mbrëmje bëri shtatë pritje, duke shpëtuar ekipin e tij
Kujtojmë që ndeshja kthyese zhvillohet në “Fadil Vokrri” javën tjetër./Lajmi.net/
