Pak ditë më parë, Napoli fitoi titullin e tretë kampion në histori dhe të shumta ishin festimet në qytet. Por, një nga tifozët e Napolit ka arritur që të hyjë deri në dhomat e zhveshjes dhe ka festuar edhe me futbollistët.
Askush nga stafi teknik apo futbollist nuk e ka vënë re me përjashtim të Amir Rrahmanit i cili ka pyetur, “Po ky kush është?”. Kaq ka mjaftuar dhe sigurimi e ka nxjerrë tifozin jashtë dhomave të zhveshjes. Identiteti i tij u zbulua shpejt pasi videoja u bë virale në rrjetet sociale ndërkohë që për Gaetano Lavaronen kanë nisur problemet e para.
Për tifozin, ka nisur zyrtarisht një hetim dhe ditën e djeshme ai ka përfunduar në stacionin e policisë ku është marrë në pyetje. Prokuroria Publike e Udines ka formuluar akuza për tifozin, të cilat janë hedhur poshtë nga ky i fundit. mediat italiane raportojnë se tifozi mund të shpëtojë paq, duke qenë se nuk ka shkaktuar trazira dhe duke parë kushtet në të cilat kishte hyrë në dhomat e zhveshjes, mund të bëjnë që të falet.
PANORAMASPORT.AL
