Rafael Dias Belloti ndryshe Rafinja po shënon sezonin e tij më të mirë që kur u transferua nga Lidsi te Barcelona. Braziliani ka kaluar rekordin e tij të golave si lojtar i Barçës pikërisht në derbin kundër Espanjolit. Braziliani shënoi një nga tri golat e fitores së blaugranave në suksesin në derbi (3-1).
Me atë gol, ish-lojtari i Lidsit arriti kuotën e njëmbëdhjetë golave në 15 ndeshje, duke tejkaluar 10 që shënoi në dy sezonet e tij të para në Barcelonë.
Me muajin nëntor që sapo ka nisur, Rafinja numëron 18 pjesëmarrje në gola, duke shënuar 11 dhe duke dhënë pasime vendimtare për gol në 7 raste. Mesfushori nga Porto Alegre e sheh golin këtë sezon çdo 113.45 minuta ose gjeneron gola çdo 69.33 minuta.
Numra që përmirësojnë ndjeshëm shifrat e tij në dy sezonet e para me Ksavin. Nëse i referohemi sezonit të tij më të mirë në nivel realizimesh, Rafinja shënoi 18 gola dhe katër asistime në sezonin 2017-2018, gjë që nëse vijon me rimet aktuale me shumë gjasa do t’i kalojë në këtë sezon nën drejtimin e Flik.
PANORAMASPORT.AL
