Kombëtarja e Portugalisë e ka mposhtur me rezultat 9:0 Luksemburgut në kuadër të Grupit J kualifikues për “Euro 2024”.
Gonçalo Inacio, Gonçalo Ramos e Diogo Jota shënuan nga dy gola për Portugalinë, ndërsa me nga një gol kontribuuan Ricardo Horta, Bruno Fernandes dhe Joao Felix.
Portugalia ndodhet në vendin e parë ka 18 pikë, pesë më shumë se Sllovakia në vendin e dytë. Luksemburgu i treti ka 10 pikë.
Nga gjashtë pikë në pozitën e katërt dhe të pestë kanë Bosnjë-Hercegovina dhe Islanda, ndërsa në pozitën e fundit është Lihtenshtajni, pa pikë.
