Interi do të përballet nesër me Udinezen dhe Inzagi duhet ende të bëjë zgjedhjet e tij. Me Lautaron e Turamin në sulm, aspak të lehta nuk janë zgjedhjet në mbrojte. Bastoni ëhstë stërvitur me grupin dhe pritet të jetë pjesë e skuadrës, por nuk do të niset titullar në të majtë të prapavijës, me rolin që do i duhet ta mbulojë Karlos Augusto.
Me pamundësinë për të nisur titullar Bastonin dhe me mungesat e De Vrajit e Pavarit, para Zomerit do të aktivizohet treshja Karlos Augusto-Açerbi-Darmian, ndërkohë që për t’u vendosur ngelet korsia e djathtë e mesfushës ku mungon Dumfris. Nëse Inzagi do të zgjedhë Bisek në të djathtë të mbrojtjes, Darmian mund të zhvendoset në mesfushë, ndërsa hipoteza e ditëve të fundit është ajo e aktivizimit të Davide Fratezit në të djathtë (Kuadrado nuk është ende në maksimum).
Eksperimenti që mund të kryhet me italianin, do i siguronte jo vetëm Inzagit zgjidhjen në të djathtë, por edhe Fratezit minutat e shumëkërkuara. Mesfushori nga ana e tij po bën maksimumin në stërvitje, aty ku ka treguar pak nga potenciali, për të cilin u paguan 33 milionë euro. Për momentin nuk është ende titullar, por planifikon një 2024 si protagonist. Kush e di, ndoshta mund të vijë në një pozicion të ndryshëm nga ai i imagjinuar.
PANORAMASPORT.AL
