Sergio Conceição është zëvendësuesi i Paulo Fonseca-s në stolin e Milanit, por gjërat në shtëpinë kuqezinjve mund të kishin shkuar shumë ndryshe. Të premten, në fakt, drejtuesit (që duket se tashmë kishin vendosur të ndryshonin trajner, duke qenë se në Milanello ishte parë vetëm Furlani, pavarësisht se ishte vigjilja e një sfide delikate si ajo kundër Romës) kishin kontaktuar Maurizio Sarrin.
Këtë e raporton gazetari Alfredo Pedullà, duke shtuar se ish-trajnerit të Lazios dhe Juventusit i ishte propozuar e njëjta kontratë që iu ofrua Conceição-s, pra deri në qershor 2025 me opsion rinovimi në favor të klubit.
Megjithatë, në komunikatën zyrtare të Milanit, flitet për një marrëveshje deri më 30 qershor 2026. Sarri, në vend të kësaj, kishte kërkuar një marrëveshje 18-mujore me opsion rinovimi deri në vitin 2027 në rast kualifikimi në Ligën e Kampionëve. “Sarri tha jo për respekt ndaj punës së tij, menjëherë pas kësaj Conceição pranoi,” shkruan Pedullà.
