Kristjan Asllani ka bezdisur Interin me qëndrimin e mbajtur pas ofertës që i erdhi nga Real Betis. Për ziklatrit shitja e shqiptarit ka mjaft rëndësi pasi prej kartonit të tij do të gjenerohet një pjesë e fondit që duhet për të arritur te Lookman.
Drejtuesit zikaltër kishin kuptuar se Betis ishte e gatshme që të paguante rreth 18 milionë euro për mesfushorin, por ky i fundit frenoi gjithçka pasi preferon që të luajë në Itali. Sipas medieve italiane Asllani nuk kërkon që të largohet nga Italia dhe për këtë motiv po kërkon një skuadër të Serisë A.
