Granit Xhaka është i bindur që të largohet nga Leverkusen duke i dhënë edhe dy arsye të forta klubit gjerman që të mos bëjë rrezistencë në momentin që do të marrë ofertën formale të Milanit.
Sipas medieve gjermane Leverkusen ka humbur besimin e Granit Xhakës pasi ka zhgënjyer mesfushorin duke mos i premtuar shiritin e kapitenit. Siç dihet kapiteni aktual i Bajerit, Lukas Hradecky, do të ulet në stol pasi titullari mes shtyllave do të jetë Mark Flekken. Pas këtij ndryshimi Xhaka shpresonte që klubi t’i propozonte shirtin e kapitenit.
Përveç këtij “detaji” Granit Xhaka duket se nuk ka pritur mirë faktin se Erik Ten Hag nuk e ka kontaktuar menjëherë pasi u zgjodh si pasues i Xabi Alonso-s. Holandezi ka bisdeuar në telefon me Xhakën plot tri javë pasi mori detyrën në Leverkusen. Mesfushori nuk ndihet i vlerësuar sa duhet nga holandezi dhe e konsideron veten jashtë projektit të tij.
