Sipas shtypit anglez, Manchester City u sanksionua dhe u gjobit me 2.4 milionë euro nga Premier League.
Bëhet fjalë për 22 shkelje të rregulloreve të Premierligës në dy sezonet e fundit, të pranuara nga vetë qytetarët.
Klubi anglez u vonua disa herë për të hyrë në fushë për fillimin dhe rifillimin e ndeshjeve.
Nga 22 incidentet e përmendura, tetë kanë ndodhur në sezonin 2022/23 dhe 14 në sezonin e kaluar. Gjobat variojnë nga 10 mijë euro deri në më shumë se 200 mijë euro. Në justifikimet e Premierligës për dënimin, thuhet se Man City ka vonuar 22 herë rifillimin e ndeshjeve “pa arsyetim të mirë”.
Qytetarët pranuan dënimin, kërkuan falje për shkeljet dhe njoftuan gjithashtu se do t’u kujtojnë lojtarëve dhe ekipeve teknike përgjegjësitë e tyre në lidhje me orarin e fillimit dhe rinisjes së ndeshjeve.
Sanksioni nuk lidhet me 115 akuzat në pritje kundër klubit për shkelje të pretenduara të rregullave financiare të Premier League .
/GazetaBlic Sport/
