Drita e paralajmëron fshesën pasi e humbi titullin.
Drita nuk arriti të shpallet kampion i Kosovës për këtë sezon, pasi me humbjen ndaj Malishevës e humbi edhe matematikisht, pasi Ballkani në anën tjetër fitoi.
Pas ndeshjes ka reaguar presidenti i këtij klubi, Valon Murseli, i cili ka paralajmëruar se do të ketë largime të lojtarëve.
Ai në rrjetin social Facebook, ka shkruar tre fshesa, që lë të nënkuptojë se do të ketë ndryshime në ekipin e tij gjatë afatit kalimtar të verës.
Drita këtë sezon pati shumë punë me trajnerë, pasi i ndërroi tre. Fillimisht e nisi me Ardian Nuhiun, pastaj në vend të tij erdhi Arsim Thaqi, teksa i fundit ishte greku Diamantis Valavalis, i cili u prezantua vetëm pak javë para se të përfundonte kampionati.
