Presidenti i Federatës Turke të Futbollit, İbrahim Hacıosmanoğlu, ka bërë një premtim të pazakontë për lojtarët e Kombëtares turke.
Sipas raportimeve, ai ka deklaruar se do t’u dhurojë nga një vilë në Bodrum nëse skuadra arrin të kualifikohet për Kupën e Botës 2026.
Ky premtim shihet si një motivim i madh për ekipin, i cili synon të rikthehet në një turne të tillë pas më shumë se dy dekadash mungesë. Mësohet se Hacıosmanoğlu do ta financojë vetë këtë projekt, i cili përfshin ndërtimin e rreth 4000 vilave. Ai ka theksuar se pronat fillimisht do të lidhen me Federatën Turke të Futbollit dhe më pas do t’u kalojnë futbollistëve.
Kjo ide ishte përmendur edhe më herët nga ai në një intervistë televizive, por tani ka marrë vëmendje të madhe për shkak të situatës në kualifikime. Ndërkohë, Kombëtarja turke përballet me një ndeshje vendimtare kundër Kosovës më 31 mars.
Një fitore në këtë sfidë do t’i siguronte kualifikimin në Kupën e Botës për herë të parë në rreth 24 vjet. Për këtë arsye, ndeshja konsiderohet shumë e rëndësishme, ndërsa premtimi për vila luksoze ka shtuar edhe më shumë motivimin e lojtarëve.
