Presidenti i Ankaragucu, Faruk Koca, që sulmoi gjyqtarin turk gjatë ndeshjes kundër Rizesporit në Superligën e Turqisë, ka dhënë dorëheqje nga posti i kreut të klubit.
Koca u arrestua për sulmin ndaj gjyqtarit turk, Halil Umut Meler, të cilit iu nevojit edhe ndihma mjekësor në spital pas sulmit fizik.
Koca përveç dorëheqjes të cilën e lexoi avokati i tij, i kërkoi falje gjyqtarit Meler.
“I kërkoj falje zotit Meler dhe familjes së tij, komunitetit të arbitrave turk, publikut sportiv dhe kombit tonë për sulmin tim ndaj gjyqtarit Halil Umut Meler. Si dhe pse çështja erdhi deri në këtë pikë është e pavarur nga incidenti. Sado i madh të jetë është një padrejtësi apo gabim. Kjo as legjitimon dhe as nuk jep shpjegim për dhunën që kam ushtruar, të cilën definitivisht nuk e kam dëshiruar”, njofton Sabah.tr, përcjell lajmi.net.
“Fushat sportive duhet të jenë vendi i garës xhentëlmenësh. Çdo qëndrim që hedh hije mbi lojën e ndershme, përfshirë timin, nuk duhet të jetë në stadiume apo salla” – thuhet më tej.
Sulmi i presidentit të klubit turk bëri bujë të madhe në gjithë botën, ndërsa reagoi edhe presidenti i Turqisë, Erdogan.
Futbolli turk është pezulluar dhe është raportuar gjatë ditës së gjyqtarët e Superligës turke dhe VAR-it në atë shtet janë dorëhequr./Lajmi.net/
