Presidenti i Ligës Spanjolle, Havier Tebas ka sulmuar edhe një herë Realin e Madridit. Ai dhënë një intervistë për “The Objective” në të cilën i është referuar sërish ankesave të “los blancos” për çështjen e arbitrave dhe çështje të tjera.
“Kemi pasur shumë polemika mbi arbitrimin në javët e fundit. ‘Real Madrid TV’, Reali i Madridit po krijon polemika dhe po shkruan një histori të rreme dhe po e vë në pikëpyetje të gjithë futbollin. Të gjitha klubet po ankohen, por Madridi po e vë në qendër të vëmendjes. Është një histori agresive, verbale. Reali qan gjatë gjithë ditës për fundjavën, do të qajnë për fundjavën në vijim dhe për të gjithë është faji i një komploti”, tha ai në prononcimet e mbledhura nga gazeta “AS”.
FLORENTINO OLIGARK! – Tebas nuk u mjaftua me kaq, duke vijuar me sulmet ndaj Realit dhe drejtuesit të tij, Florentino Perez. “Futbolli i Florentinos i mashtron njerëzit. Ai përfaqëson futbollin oligark, ai përfaqëson vetëm futbollin për të pasurit. Ai dëshiron të vendosë gjithçka, paratë që shpërndahen. Madridizmi im është në letargji, por herë pas here lëviz. Një pjesë e tifozëve të Madridit po bëjnë gabimin, duke nderuar gjithçka që Florentino bën. Unë kënaqem kur fiton Reali, jam një madrilen, jo një mbështetës i Florentinos”, komentoi ai.
PANORAMASPORT.AL
