Një epoke e re po nis për Gramozin, skuadër që aktualisht militon në Kategorinë e Tretë. Një president italian ka ardhur në krye të klubit kolonjar, me synimin për ta ringritur ekipin në majat e futbollit shqiptar.
Lajmin e ka bërë publik kryetari i Bashkisë me anë të një postimi në faqen zyrtare.
“Dakortësuam me Gerardo Masucci, për ringritjen e ekipit, forcimin e ekipeve të moshave, ngritjen e një akademie futbolli si dhe strukturave hoteliere për ekipet stërvitore. Gerardo, tashmë president i ekipit nis një rrugë plot shkëlqim, tek i cili skam rreshtur së kërkuar zgjidhjen më me dinjitet në vend të një lëmoshe trajtimi shtetërore që bashkia mund të ofrojë! E mbarë rruga e bukur e këtij ekipi!”, shkruan kryetari i Bashkisë së Kolonjës, Erion Isai.
