Prishtina ka humbur mundësinë e artë për tu rikthyer te fitorja pasi nuk arriti të marrë më shumë se një barazim kundër Fushë Kosovës në kuadër të xhiros së tetë në Superligën e Kosovës në Futboll.
Ndeshja, e cila ishte e fundit për këtë xhiro u përmbyll me rezultat të barabartë 2:2.
Ardian Muja e zhbllokoi rezultatin në minutën e 39-të, pasi shënoi nga afërsia.
Pak pas fillimit të pjesës së dytë, Prishtina dyfishoi epërsinë, Hasan Hyseni realizoi në minutën e 47-të për skuadrën mysafire.
Vendasit “luftuan” për tu rikthyer në lojë dhe arritën ta ngushtonin epërsinë në minutën e 51-të, ishte Armend Abazi që u tregua i saktë nga penalltia.
Kur dukej se ndeshja do të përfundonte në favor të Prishtinës, Fushë Kosova arriti ta gjej golin e barazimit.
Dominik Ivkic barazoi rezultatin në sekondat e fundit të ndeshjes.
Me këtë barazim Prishtina gjendet në vendin e pestë, kurse Fushë Kosova është në vendin e fundit./Lajmi.net/
