Ndeshjet me kombëtare i kanë shkaktuar mjaft probleme Erik ten Hagit e Manchester Unitedit.
Andre Onana dhe Marcus Rashford janë dy “viktimat” e radhë të pushimit ndërkombëtar, shkruan lajmi.net.
Dyshja e “Djajve të kuq” u lënduan gjatë ndeshjeve të djeshme.
Onana u detyrua të largohej gjatë ndeshjes së Kamerunit kundër Mauritius, derisa Rashford u lëndua teksa Anglia mposhti Maltën 2-0 të premten.
Rashford pati një përplasje aksidentale me shokun e skuadrës Trent Alexander-Arnold.
Lëndimet do të jenë një shqetësim i madh për menaxherin e United, Erik ten Hag, duke pasur parasysh listën e gjatë të problemeve të “Djajve të Kuq”.
Sulmuesi Rasmus Hojlund dhe Christian Eriksen janë përballur me lëndime.
Ndërkohë mbrojtësit Jonny Evans, Lisandro Martinez dhe Tyrell Malacia janë jashtë dhe mesfushori Casemiro mungon deri në janar. /Lajmi.net/
