Probleme personale për yllin brazilian, Chelsea lë të lirë lojtarin: Do të rikthehet kur të jetë gati
Chelsea ka vendosur t’i japë Estevão Willian kohën që i nevojitet për të adresuar një situatë serioze personale, duke i dhënë përparësi mirëqenies së tij mbi angazhimet e tij në fushë. Trajneri i “blues”, Liam Rosenior, komentoi mbi situatën e brazilianit.
“Ai po kalon një kohë vërtet të vështirë për arsye personale. Nuk do t’i ushtroj asnjë presion. Ai do të kthehet vetëm kur të ndihet gati dhe është zgjedhja e duhur për të“, tha Rosenior. Supozohet se lojtari është kthyer në Brazil.
Klubi londinez, i cili e bleu talentin brazilian nga Palmeiras verën e kaluar për një tarifë prej rreth 45 milionë eurosh, ka shprehur mbështetjen e tij të plotë për 18-vjeçarin gjatë kësaj kohe të vështirë.
Vendimi i klubit i lejon Estevão të largohet nga futbolli pa presionin e një afati të caktuar, duke reflektuar politikën e re të Chelsea-s të përqendruar në mbrojtjen e shëndetit mendor dhe psikologjik të lojtarëve të saj. Nuk është caktuar asnjë datë për kthimin e tij.
Estevão, i konsideruar si një nga talentet më të shkëlqyera në botë, pati një ndikim të menjëhershëm që me mbërritjen e tij në verën e vitit 2025. Në sezonin e tij të parë në Premier League me londinezët, aio ka realizuar 6 gola në 29 ndeshje në total.
