Mbrojtja e Real Madridit mund të rrijë pak më e qetë…
Lajme të këqija për Al Hilal dhe Simone Inzaghi disa orë para debutimit të tyre në Kupën e Botës për Klube:
Aleksandar Mitroviq, golashënuesi më i mirë 30-vjeçar për ekipin saudit do të mungojë.
Lideri i padiskutueshëm në sulm, do të jetë jashtë për shkak të një dëmtimi dhe për këtë arsye nuk do të jetë në gjendje të sfidojë ekipin e Xabi Alonsos.
Sulmuesi serb ka raportuar një problem muskulor dhe do të mbetet në stol, siç konfirmoi trajneri Simone Inzaghi në një konferencë për shtyp.
“Kishim pak kohë për t’u përgatitur, vetëm katër seanca stërvitore. Duam ta bëjmë Al Hilal një nga klubet kryesore në Kupën e Botës, por para së gjithash duhet të përmirësohemi si ekip.
Fatkeqësisht, Mitrovic u lëndua dhe dy lojtarë të tjerë janë gjithashtu të dëmtuar. Është një moment i ndërlikuar”, tha ish-trajneri i Interit.
Inzaghi gjithashtu pati fjalë lavdërimi për Xabi Alonson, duke e quajtur atë “një trajner të shkëlqyer, me ide shumë të qarta që arrin t’ua transmetojë shpejt lojtarëve të tij”.
Mungesa e Mitroviçit peshon shumë: 28 gola në 36 ndeshje këtë sezon dhe 40 gola në 44 ndeshje sezonin e kaluar janë tregues se sa themelor është ai.
Një ‘grabitqar’ i vërtetë në zonë që nuk mund të zëvendësohet lehtë: tani pesha e sulmit do të bjerë mbi brazilianin Marcos Leonardo, duke pasur parasysh se Kaio César është gjithashtu ende i padisponueshëm për shkak të dëmtimit.
