Horge Mas, bashkëpronari i Inter Majemi përkrah Devid Bekam ka lëshuar një intervistë për “El Pais” ku ka zbuluar detajet e një prej transferimeve më të bujshme në SHBA. Lionel Mesi do t’i bashkohet shumë shpejt klubit të MLS dhe të gjithë presin me padurim ta shohin në fushën e lojës yllin argjentinas.
“Ai mund të transformojë MLS-në në një prej 2-3 kampionateve më të mëdhenj në botë. Mendoj se dëshiron që të lerë shenjë dhe mund ta bëjë edhe përtej aspektit futbollistik. Kur të tërhiqet nga futbolli, ai do të ketë edhe kuota të pronësisë të klubit. Rroga e tij? Mes 50-60 milionë dollarëve në vit”, theksoi pronari i klubit amerikan.
Sipas mediave përtej Atlantikut, këtyre përfitimeve ekonomike, i shtohen të tjera si një përqindje për shitjen e fanellave të klubit me emrin e Mesit apo edhe përfitime në përqindje nga e drejta TV për MLS-në që paguhet nga Apple.
PANORAMASPORT.AL
