Henrikh Mikhitajan ka qenë protagonisti absolut i derbit të Milanos, teksa ka shënuar golin e parë dhe të tretë për zikaltrit në fitoren 5-1.
“Jemi shumë të lumtur, sidomos unë. E rëndësishme është jo se shënova, por që fituam ndeshjen. E nisëm mirë sezonin dhe duam të vazhdojmë, t’i japim vazhdimësi. Sipas meje duhet të vazhdojmë kështu.
Me tifozët tanë mund të bëhet gjithçka realitet, dua t’i falënderoj për mbështetjen që na kanë dhënë në këto ndeshje. Duhet të ecim para të gjithë bashkë dhe të shohim se çfarë ndodh në fund,
Jemi këtu për një objektiv, nuk ka rëndësi nëse e nis titullar apo nga stoli, e rëndësishme është që kush luan t’i japim mbështetje se jemi më shumë se 25 lojtarë të gatshëm. Për çdo ndeshje është trajneri që zgjedh ekipin dhe duhet të mbështetim lojtarët se duam këtë yll të dytë. Nuk ka rëndësi kush luan e jo, duhet të jemi si mur të gjithë e të bëjmë më të mirën. Pastaj të shohim se sa do të vazhdoj para.
Nuk ka ndryshuar shumë skuadra )qesh). Kemi ndryshuar pak a shumë gjysmën e ekipit, por kush erdhi e di çfarë do të thotë të luash për Interin dhe çfarë pritet nga ne. E shihni të gjithë se si mund të bëjnë diferencën për ne. Në mendje kemi yllin, por të ecim hap pas hapi”, tha Mkhitarjan pas sfidës.
PANORAMASPORT.AL
