Italia gjithmonë do të luajë me fanella të kaltra si vendas, por përse ‘Azzurrët’ do të mbajnë këtë ngjyrë specifike pavarësisht faktit se nuk paraqitet në flamurin e tyre.
Ekipi i Luciano Spallettit pati një aventurë zhgënjyese në Euro 2024, pasi ata dështuan që të çojnë përpara euforinë e krijuar pas fitores 2-1 ndaj Shqipërisë në ndeshjen hapëse.
Italianët u rrëzuan nga gara pas humbjes që pësuan ndaj Zvicrës në 1/16-tat, pasi përfunduan në pozitën e dytë në Grupin B pas Spanjës që në fund u shpall kampion i Euro 2024.
Arsyeja e vërtetë se pse ata veshin fanella të kaltra, sipas disa burimeve të ndryshme, është për të nderuar Shtëpinë Italiane të Savojës, Familjen Mbretërore të vendit, e cila ishte në krye kur Italia u bashkua në 1861.
E ardhmja e Familjes Mbretërore ishte subjekt i një referendumi kushtetues pas Luftës së Dytë Botërore dhe u pasua nga Republika Italiane në 1946.
Një total prej 54.27 për qind e njerëzve votuan për republikë, ndërsa pjesa tjetër prej 45.73 për qind votuan për mbajtjen e monarkisë.
Jugu i Italisë ishte kryesisht në favor të monarkisë, ndërsa veriu ishte në favor të republikës.
Megjithatë, fanella e kaltër mbeti, përkundër faktit se ngjyrat e flamurit të Italisë janë e gjelbra, e bardha dhe e kuqja dhe se shteti nuk ka më një Familje Mbretërore.
