Eliminatoret e Botërorit 2026 nuk kanë qenë aspak pozitive për PSG-në, e cila ka humbur shërbimet e dy prej katër sulmuesve të saj dhe me shumë mundësi do të përgatitet që në ndeshjen e radhës të udhëhiqet në fushë nga zëvendëstrajneri.
Pasioni për çiklizmin i ka kushtuar shumë Luis Enrique-s, i cili është operuar në Spanjë pas ka thyer klavikulën duke ushturar sportin e tij të preferuar.
Por nëse prania e trajnerit në fushë është në pikëpyetje për pak ndeshje e njëjta gjë nuk mund të thuhet për Ousmane Dembélé dhe Désiré Doué. Të dy sulmuesit kanë braktisur qendrën e grumbullimit të Francës pasi janë dëmtuar në ndeshjen kundër Ukrainës.
Në Francë janë të bindur se ish-lojtari i Rennes do të qëndrojë jashtë fushave për 3-4 javë. Ai humb kështu ndeshjen e PSG në Champions me Atalanta-n ndërsa pritet që të mungojë edhe në transfertën e vështirë në “Stade Vélodrome” përballë Marsejës. Stafi i mjekëve do të përpiqet ta rikuperojë lojtarin për ndeshjen e fillim tetorit kundër Barçës.
