PSG i është bashkuar Interit si finaliste e Ligës së Kampioneve, në një duel i cili padyshim do të dhurojë emocione në “Allianz Arena” të Mynihut më datën 31 maj.
Do të jetë një finale e veçantë, pasi që nga viti 2004, kur u përballën Monako me Porton e Murinjos, kjo bëhet ndeshja e parë për trofeun ku protagoniste nuk është një skuadër angleze, spanjolle apo gjermane në fushë.
Ndeshja që zhvillohet në Mynih, në teori duhet të frikësojë italianët. Shkak është fakti se në të gjitha finalet e mëparshme të luajtura në këtë qytet, ka fituar gjithmonë një skuadër e cila nuk kishte triumfuar asnjëherë më parë në këtë aktivitet.
Notingem Forest, Olimpik Marsejë, Borusia Dortmund dhe Çelsi janë skuadrat të cilat kanë festuar trofeun e tyre të parë në finalet e luajtura në Mynih.
PANORAMASPORT.AL
