Sot në ora 20:45 Milani pret Veronën në “San Siro” për ndeshjen e vlefshme për javën e 25-të të Serisë A.
Kjo përballje është një klasike e futbollit italian dhe tashmë ka pasur 79 precedentë, ku bilanci është ngjyrosur kuqezi falë 37 fitoreve dhe 28 barazimeve.
Siç shumë mund ta dinë, ndeshja në fjalë jashtë fushe u bë “Verona fatale” për “Djallin”, që në atë terren humbi titullin e 1973-shit në javën e fundit, me Juventusin dhe në javën e parafundit të vitit 1990-të, me “Scudeton” që shkonte te Napoli.
Verona ka humbur 8 ndeshjet e fundit kundër Milanit në Serinë A dhe në historinë e saj ka regjistruar tetë humbje radhazi në turne vetëm kundër dy skuadrave: Napolit, midis 1988 dhe 1996 dhe Interit në një seri e cila vazhdon ende pasi ka nisur në vitin 2020. Në rast fitoreje kuqezi, kjo do të ishte seria më e gjatë me disfata për veronezët.
Për sa i përket formacioneve zyrtare, bie në sy aktivizimi nga minuta e parë i Sotil, që bën debutimin kështu në kampionat.
FORMACIONET ZYRTARE:
PANORAMASPORT.AL
