Federata spanjolle ka njoftuar datën kur do të luhet ndeshja mes Barcelonës dhe Osasunës, e planifikuar fillimisht për 8 mars, por e shtyrë për shkak të vdekjes së mjekut të ekipit blaugrana, Carles Minarro.
RFEF ka caktuar datën 27 mars si ditën në të cilën do të luhet ndeshja, ndërsa orari do të vendoset nga La Liga. Ky vendim nuk i pëlqen asnjë prej klubeve të cilët, raporton AS, do të apelojnë menjëherë brenda afatit të caktuar prej 48 orësh.
Arsyeja duhet gjetur në faktin se do të ketë ende shumë lojtarë të përfshirë në ekipet kombëtare, ndërsa skuadra nga Pamplona, sipas kalendarit, duhet të luajë edhe më 28 mars kundër Bilbaos në San Mamés.
