Kristian Pulisiç, sulmuesi i AC Milan, foli në konferencë shtypi pas ndeshjes së Shteteve të Bashkuara të Amerikës te fituar në transfertë kundër Xhamajkës. Por, për me atë rast ai trajtoi edhe tema të ndryshme ‘kuq e zi’, siç raporton edhe ‘Sportmediaset’.
Nuk munguan pyetjet për Real Madrid-Milan 1-3 në Ligën e Kampionëve në ‘Santiago Bernabéu’, ndeshje për të cilën 26-vjeçari tha: “Kam kuptuar se jam përballur tetë herë në karrierën time me Real Madridin, një numër i çmendur në Champions.
E fundit ishte një paraqitje e jashtëzakonshme nga skuadra, bashkatdhetari im Musah luajti një rol themelor në ndeshje dhe të gjithë e panë rëndësinë e tij për ekipin Në përgjithësi, ishte e veçantë të shkoje në një stadium si ‘Bernabéu’ dhe të largoheshe si fitues.” Më pas, Pulisiç foli gjithashtu në përgjithësi, për mënyrën se si po shkon përvoja e tij në Itali, në Milano dhe çfarë i pëlqen më shumë në veshjen e fanellës së kuqezinjve.
“Pjesa më e mirë e të qenit në Milano është të luash në ‘San Siro’, ku ka një atmosferë të veçantë. Është një stadium i jashtëzakonshëm për të luajtur, tejet stimulues. Të gjitha skuadrat përgatiten në një mënyrë të veçantë për të sfiduar Milanin dhe kjo e bën atë edhe më shumë të veçantë. E tillë do të jetë edhe kundër Juventusit pas një jave.”
PANORAMASPORT.AL
