Mëngjesin e sotëm është mësuar se te Beshiktashi nuk ka më të ardhme asnjë lojtar i huaj. Kriza financiare që ka kapur skuadrën ku militon edhe Ernest Muçi ka detyryar drejtuesit që të njoftojnë të gjithë lojtarët se do të dëgjojnë oferta për secilin prej tyre gjatë muajit janar.
Sipas medieve turke në shitje do të jenë të gjithë lojtarët e huaj në klub duke bërë vetëm një përjashtim. Rafa Silva, i cili konsiderohet si ylli i skuadrës dhe beniamini i tifozëve, nuk do është në shitje. Gjithashtu Beshiktashi ka njoftuar se në merkato nuk do të jenë edhe talentët e rinj siç janë Semih dhe Mustafa.
