Rafael Leao është aktualisht në fund të hierarkive për Paulo Fonsekën. Pas dy ndeshjeve të cilat i ka nisur nga stoli, edhe kundër Monzas mund të përsëritet historia.
Sipas “Gazzetta dello Sport” një nga klubet e interesuara për portugezin mbetet Barcelona e cila, për të ulur kostot (një klauzolë prej 175 milionë eurosh) mund të përfshijë nënshkrimin e Ansu Fatit si një kompensim të pjesshëm teknik.
“Nuk dua të hyj në detaje. Unë i menaxhoj gjërat me lojtarët në një mënyrë tjetër. Nuk ka asnjë konflikt mes nesh, është vetëm opsioni i trajnerit. Ne përpiqemi t’i motivojmë lojtarët në mënyra të ndryshme. Pastaj i takon lojtarëve të bëjnë më të mirën e tyre. Nuk kam pse t’i përgjërohem Leaos kur fola për vetëmohim. Le të shohim lojën e Okaforit, ai luajti mirë për momentin, Leao po punon për t’u rikthyer në formacion, për mua kjo është gjëja më pozitive”, tha trajneri Fonseka pas ndeshjes së humbur kundër Napolit.
PANORAMASPORT.AL
