KFGjilani përmes një komunikate zyrtare sot (e premte) ka njoftuar për transferimin e mbrojtësit Besir Ramadani.
“Sport Club Gjilani komunikon angazhimin e futbollistit Besir Ramadani.
Marrëveshja e firmosur është e vlefshme deri në verën e vitit 2025 me mundësi vazhdimi.
23 vjeçari vjen, i cili luan në pozitën e mbrojtësit të qendrës vjen nga radhët e Klubit Prishtina, derisa më parë ishte pjesë e shumë klubeve të njohura në Maqedoninë e Veriut, vend në të cilin e nisi edhe karrierën si futbollist.
Të gjithë në SC Gjilani i urojnë mirëseardhje Ramadanit dhe i dëshirojnë sukses në objektivat që klubi ka vënë para”, thuhej në njoftimin e Gjilanit.
Gjilani ishte shumë aktiv në këtë afat kalimtar duke përforcuar ekipin në pozita të ndryshme, teksa Ramadani tani është bërë transferimi i pestë i tyre.
Ramadani i cili së fundmi ishte pjesë e Prishtinës, u largua nga kryeqytetasit me marrëveshje të dyanshme pasi nuk gjeti hapësirat e duhura”, njofton SC Gjilani.
