“Udhëheqës në mesfushë, menaxhim i qetë i çdo situate, nuk vendoset kurrë në vështirësi dhe nën presion”. Është ky vlerësimi i mediave italiane për mesfushorin Ylber Ramadani në sfidën Lecce-Verona 1-0 e vlefshme për javën e 10-të të Serisë A.
Mesfushori kuqezi luajti për 90 minuta ndërsa skuadra e tij rrëmbeu tri pikë për të marrë frymë. Në këtë sfidë goli i vetëm u shënua nga Patrick Dorgu minutën e 51-të. Verdheblutë e mbyllën sfidën me nëntë lojtarë, u ndëshkuan me të kuqe Tchatchoua (39′) dhe Belahyane (82′). Me këtë fitore Lecce buzëqesh, duke u ngjitur në kuotën e 8pikëve, duke ndërprerë hemoragjinë e rezultateve, parakalon Genoan (6) dhe Venecian (5).
