Kryetrajneri i klubit të basketbollit Junior 06 Moni Bau nga prizreni (femrat), Ramush Rushiti, ka një ide interesante në lidhje me formimin e Ligës Rajonale.
“Unë mendoj se basketbollit tonë i duhet urgjentisht ta formojë Ligën Rajonale të grupmoshave (Kosovë-Maqedoni e Veriut – Shqipëri dhe Mali i Zi).
Liga në fjalë do të promovojë lojëra të forta dhe konkurrencë të fortë dhe reale.
Gjithashtu, do të shohim se ku jemi, në realitet dhe se a jemi të denjë për t’u përballur me basketbollin fqinj. Lojërat e forta që do të zhvilloheshin, në masë të madhe do ta vënë në pah cilësinë e basketbollit tonë.
Të investojmë sa më parë për rininë tonë dhe të ardhmen e tyre të ndritshme.
Ky eshte propozim i im”, ka shkruar Rushiti në profilin e tij në facebook.
