Në ndeshjen e mbrëmshme Andorrë – Kosovë, në kuadër të kualifikimeve për Euro 2024, sulmuesi ynë Albion Rrahmani ka pësuar lëndim, me ç’rast menjëherë është dërguar për ekzaminime mjekësore në spitalin e qytetit në Andorra La Vella.
Rrahmani është detyruar të largohej nga fusha me barelë pas lëndimit që ka pësuar, ndërkohë që sot FFK-ja ka njoftuar se ai do të operohej.
Rapidi i Bukureshtit, skuadër në të cilën luan ylli dardan, përmes faqes zyrtare në Facebook, ka reaguar në lidhje me lëndimin e Rrahmanit.
“Të gjithë jemi me ty Lewa.
Një mbrëmje që duhej të ishte perfekte, me ndeshjen e parë si kombëtare titullar, u kthye në një mbrëmje të trishtë për Albionin. Sulmuesi ynë u largua nga fusha duke pësuar një dëmtim, ashpërsia e të cilit do të përcaktohet nga ekzaminimeve mjekësore që do të bëhen sot”, ka shkruar Rapidi.
