Manchester United do të bëhen me pronarë të rinj.
Sheikh Jassim ka qenë i suksesshëm me ofertën e tij për të blerë Manchester United, sipas raporteve në Katar, të cilët sugjerojnë se njoftimi për një marrëveshje do të bëhet shumë shpejt.
Javën e kaluar, Sheikh Jassim, paraqiti një ofertë ‘të madhe’ të pestë dhe të fundit për të përfunduar një blerje të plotë të Man United nga pronarët e saj aktualë, familja Glazer.
Oferta e fundit u kuptua se vlente rreth 6.5 miliardë dollarë, me një propozim prej 1 miliard dollarësh për investim mbi të.
Pesë ditë pasi dolën lajme rreth ofertës së pestë dhe të fundit, mediet në Arabi thonë se oferta ka qenë e suksesshme.
“Të gjitha lajmet e marra tregojnë suksesin e blerjes së Manchester United nga Sheikh Jassim bin Hamad bin Jassim dhe njoftimi i marrëveshjes do të jetë shumë shpejt”, thuhet në njërën nga gazetat atje./Lajmi.net/
