Ka ende një rrugë të gjatë për të bërë, por në mendjen e Marcus Rashford vërtitet rekordi i golave të Wayne Rooney me Manchester United. Sulmuesi anglez i “Djajve të Kuq” foli për këtë me Gary Neville, gjatë podcast-it “The Overlap”, ku pranoi se kishte rivalitet me ish-sulmuesin e klubit për këtë.
Rooney është aktualisht golashënuesi më i mirë i Manchester United me 253 gola në total, ndërsa Rashford është mjaft prapa me “vetëm” 123. Megjithatë, anglezi ka çdo synim të arrijë nivelin legjendar, sidomos pas sezonit të fundit që e pa të shënonte 30 gola.
“Shpresoj ta thyej rekordin e të gjitha kohërave të Rooney.
Ju kurrë nuk e dini se çfarë do të ndodhë, por unë jam i gjithi për të shënuar gola. Ka një shans që kjo të ndodhë.
Kam folur me Wazza-n për këtë dhe ai dëshiron t’ia thyejë rekordin. Më tha se do të ishte mirë që unë ta bëja këtë, pasi jam rritur në këtë klub. Shpresoj që të kem mundësinë të provoj dhe ta arrij atë record.
Para sezonit të kaluar kisha synuar 20 gola. Padyshim, një pikë e mirë referimi për një sulmues anësor.
Në fund shënova 30 gola dhe kjo është shuma që duhet të synoj tani për tani.
Nga fundi i sezonit të kaluar isha në vështirësi. Kam pasur disa lëndime dhe për këtë arsye shënova më pak gola. Nëse ndihem mirë, mendoj se mund të arrij 35-40 gola në sezon”.
