Ronaldinho jo vetëm që do të regjistrohet si lojtar i Ravenna, por do të luajë edhe një ndeshje në qytet. Ignazio Cipriani, presidenti i skuadrës së Serie C, e ka bërë të ditur këtë, duke shpjeguar se braziliani do të zbresë në fushë “me një objektiv të qartë dhe romantik: të provojë të shënojë golin e fundit të karrierës së tij.
Përfshirja e tij nuk është thjesht një lëvizje fasadë apo lojë marketingu për të bërë të flitet për ne, – siguroi Cipriani në një komunikatë. – Ronaldinho do të bëhet ortak i Ravenna, ky është thelbi i kësaj marrëveshjeje”.
Sipas tij, kjo është gjithashtu “pikënisja për diçka shumë më të strukturuar. Bashkë me mua është edhe fondi ‘Black Duck’. Me ta po sjellim një qasje moderne, të bazuar te të dhënat dhe inteligjenca artificiale për zbulimin e talenteve. Kjo, e kombinuar me përvojën e një legjende si Ariedo Braida dhe punën e drejtorit tonë sportiv Davide Mandorlini, na jep një avantazh më shumë”.
