Me nënshkrimin e Bellingham dhe gjetjen e një sulmuesi elitar, duket se “galaktikët” e Real Madrid do të ketë një “axhendë” të ngjeshur këtë merkato vere e tashmë “los blancos” duket se kërkojnë të përformcojnë dhe repartin e mbrojtjes e sidomos anën e majtë.
Sipas raportimeve më të fundit të prestigjiozes spanjolle, “Marca”, “galaktikët” kanë nisur kontaktet me “bavarezët” e Bayern Munich, për transferimin e kanadezit, Alphonso Davies, në “Santiago Bernabeu”.
Klubi nga Mynihu nuk e dëshiron në asnjë mënyrë largimin e Davies, mirëpo ngurrimi i kanadezit për të vazhduar kontratën e cila skadon deri në vitin 2025, vë në dyshim “besnikërinë” e anëosrit drejt klubit.
Përfaqësuesit e Real Madridit kanë qenë dy herë në “Allianz Arena”, për të vëzhguar nga afër ndeshjet e Davis dhe sipas disa burimeve kanë qenë në kontakt me rrethin e tij. Ndërkaq, kujtjomë se këtë sezon, 22-vjeçari ka zhvilluar 38 paraqitje me fanellën e Bayern Munich, teksa ka arritur të regjistrojë 3 gola dhe 8 asistime në llogarinë e tij. /i.m /abcnews.al
