Real Madrid ndan rrugët me Joselu. Futbollisti spanjoll që rezultoi mjaft i rëndësishëm në këtë sezon me “Los Blancos”, teksa shënoi dy gola vendimtarë në gjysmëfinalen e Champions League ndaj Bayern Munich, ka vendosur të vijojë karrierën në Katar me klubin e Al-Gharafa.
34-vjeçari, iu bashkua skuadrës së “Los Blancos” në verën e shkuar ndërsa kjo ishte periudha e dyta me Real Madrid pasi më herët Joselu, është aktivizuar me kryeqytetasit edhe në vitin 2011/2012.
Gjatë këtij sezoni me Realin, Joselu fitoi Champions League, LaLiga dhe SuperKupën e Spanjës.
