Ditët e fundit në Londër kanë shpërthyer thashethemet në lidhje me të ardhmen e Enzo Fernandez. Pas eliminimit të Chelsea nga Champions League dhe humbjes ndaj Newcastle, sjellja e mesfushorit argjentinas nuk ka kaluar pa u vënë re.
Në fushë ai dukej nervoz dhe i painteresuar, duke nxitur thashetheme për pakënaqësi të mundshme. Në moshën 25 vjeç, Enzo dëshiron të garojë vazhdimisht për trofe të mëdhenj, një qëllim që klubi londinez aktualisht po përpiqet ta arrijë.
Kjo ka çuar në spekulime se ai mund të largohet nga “blues” në fund të sezonit, pavarësisht një kontrate fitimprurëse që skadon në vitin 2032. Skuadra e Real Madrid duket se është destinacioni i radhës i kampionit të botës.
Agjenti i lojtarit, në një koment për ESPN, sqaroi gjithçka: “E vërteta është se nuk ka asgjë, janë vetëm thashetheme. Kanë mbetur ende muaj, është e parakohshme të diskutojmë çështje të caktuara.”
