Ylli i Real Madridit, Rodrygo Goes, mund të luajë ndeshjen e tij të fundit për klubin të shtunën, dhe me shumë gjasë, të fundit në “Santiago Bernabéu”.
Edhe pse Botërori i Klubeve po afron, braziliani nuk është më pjesë qendrore e planeve të “Los Blancos”, të cilët kanë vendosur të ndërtojnë skuadrën rreth Vinicius Junior dhe Kylian Mbappé.
Rodrygo u zëvendësua në pjesën e parë të finales së Kupës së Mbretit dhe nuk është parë më me fanellën e Realit. Ancelotti përmendi lëndime dhe probleme shëndetësore, por flitet se largimi i tij ka të bëjë me gjendjen e tij mendore. Pritet një bisedë me trajnerin e ardhshëm, Xabi Alonso, para se të merret vendimi përfundimtar.
Sipas “Cadena SER”, agjentët e Rodrygos kanë kontaktuar dy klube të Premier League këtë të mërkurë, duke e ofruar lojtarin me një çmim rreth 80 milionë euro. Megjithëse braziliani preferon të qëndrojë, ai është i gatshëm të dëgjojë oferta. Kohët e fundit, Chelsea, Arsenal dhe Liverpool janë përmendur si më të interesuarit, me Arsenal që mendohet ta ketë seriozisht.
Me Xabi Alonson që pritet të sjellë formacionin 4-4-2 ose 3-5-2, Rodrygo nuk shihet si pjesë natyrale e këtyre skemave, sidomos duke parë që Ancelotti e përdorte atë në të djathtë të mesfushës me katër lojtarë.
