Real Madrid, pas humbjes së pësuar ndaj Real Sociedad, është kthyer te fitorja në kampionat pasi ka mundur 1-0 Getafe-n në shtëpi në javën e 34-të të kampionatit spanjoll.
Siç e tregon edhe rezultati ka qenë një fitore e vuajtur, edhe pse madrilenët e kanë mendjen në gjysmëfinalen e kthimit të Champions League kundër Manchester City-t.
REAL MADRID-GETAFE – 1-0 – VIDEO
Sfida e luajtur në Santiago Bernabeu është vendosur në minutën e 70-të nga një gol i mrekullueshëm i Asensio-s. Një gol që i ka dhënë mundësi Real-it të parakalojë përkohësisht Atletico Madrid në renditje dhe të shkojë në vendin e dytë.
Gjithashtu, ka qenë një fitore që i bën mirë moralit të ekipit të Ancelotti-t në prag të gjysmëfinales së kthimit të Champions League kundër Manchester City-t të mërkurën e ardhshme.
